Vendimi i parë i nënshkruar nga kryetari i ri i Mitrovicës, Bedri Hamza, është emërimi i nënkryetarit të Komunës.
Sic kishte raportuar “Jepi zë”, Arian Tahiri do të jetë nënkryetar i Mitrovicës në qeverisjen e re.
Tanimë është edhe zyrtare që Arian Tahiri ka marrë pozitën e nënkryetarit, ndërkohë që ka hequr dorë nga pozita e asamblistit që e fitoi si bartës i listës.
Ndërkohë, Hamza ende nuk i ka publikuar emrat e disa prej drejtorëve për të cilët ka vendosur t’i ketë në ekip.
Mirëpo, duhet theksuar se kryetari nuk ka arritur ende një ujdi me partitë e tjera për bashkëqeverisje dhe ndarje të pozitave.