Me qëllim të zbatimit të Ligjit nr. 08/L-122 për Financim të Subjekteve Politike, në ueb faqen e Komisionit Qendror të Zgjedhjeve janë publikuar raportet e shpenzimeve të tremujorit (janar – mars 2025) të subjekteve politike të cilat janë të përfaqësuara në Kuvendin e Republikës së Kosovës.
Lëvizja Vetëvendosje veç për këta tre muaj ka shpenzuar… mbajeni frymën; Një million e 734 mijë e 872 euro. Vetëvendosja prin bindshëm, krahas PDK-së me 360 mijë e 313 euro, e LDK-së me 155 mijë e 334 euro.
Për çka harxhoi Vetëvendosja?
Pagat e punëtorëve, Vetëvendosjes për tre muaj i kushtuan, 271 mijë e 877 euro. Mallra dhe shërbime, Vetëvendosja pagoi 1 milion e 448 mijë euro. 111 mijë euro për lëndët djegëse. Pra, karburante për vetura. 122 mijë euro qiraja. Për marketing Vetëvendosja shpenzoi 472 mijë euro.
PDK-ja?
Partia Demokratike e Kosovës, ka deklaruar se ka shpenzuar për pagat e punëtorëve, 154 mijë e 695 euro. Qiraja PDK-së i ka kushtar 9 mië e 108 euro. Për marketing PDK nuk ka deklaruar shpenzime. Por te rubrika të ndryshme, ata kanë deklaruar 25 mijë euro shpenzime. Shifra totale 360 mijë e 313 euro.
LDK-ja?
Lidhja Demokratike e Kosovës ka deklaruar se për tre muajt e parë të vitit 2025, pagat e punëtorëve i kanë kushtuar 90 mijë e 548 euro. 9 mijë e 700 euro mallra dhe shërbime. Sipas raportit LDK-ja për marketing ka shpenzuar 33 mijë euro. Qiraja u ka kushtuar pak mbi 9 mijë euro.