Vrasja që ndodhi sot në Pejë është rasti i dytë brenda pesë ditësh në Kosovë kur gratë dyshohet se u vranë nga bashkëshortët apo ish-bashkëshortët e tyre.
Ngjarja që ndodhi sot tronditi vendin. Edmond Lajqi e privoi nga jeta bashkëshorten e tij, Gjyljeta Ukella, duke e qëlluar me armë. Kjo ngjarje që tronditi Pejën dyshohet se ndodhi në banesën e çiftit. Sinjali ka mësuar se Lajqi u dorëzua vet në Polici dhe raportoi për krimin ndaj bashkëshortes.
Ndryshe, rasti tjetër ndodhi më 12 prill, ku një 21-vjeçare, Erona Cokli, u vra brenda zyrës së Qendrës për Punë Sociale në Ferizaj nga ish bashkëshorti i saj, Valon Aliu.
