Sot pasdite ka ndodhur në shpërthim i fortë i një bombole gazi.
Policia ka konfirmuar për “Jepi zë” se nga ky shpërthim janë lënduar dy persona.
Sipas Policisë, shpërthimi ka ndodhur në një shtëpi në rrugën “Xhemail Haxha”.
“Sot rreth orës 15:40, është raportuar se në rrugën ‘ Xhemail Haxha” në Mitrovicë, në një shtëpi ka ndodhur një shpërthim( dyshohet bombolë gazi). Bazuar në të dhënat e deritanishme në këtë rast janë lënduar dy persona, të njëjtit janë dërguar për trajtim mjekësor”, ka thënë Avni Zahiti për “Jepi zë”.
Në vendngjarje kanë dalë zjarrfikësit, si dhe të gjitha njësitë e nevojshme policore për ekzaminimin e vendit të ngjarjes.