Sot rreth orës 10:30, udhëkryqin e rrugëve “Ukshin Hoti”-“Robert Doll” , në Prishtinë, ka ndodhur një aksident trafiku, mes dy automjeteve.
Lajmin e ka konfirmuar zëdhënësja e PK-së për Rajonin e Prishtinës, Flora Ahmeti, e cila tha se si pasojë e këtij aksidenti, 5 persona kanë pësuar lëndime trupore.
“Rreth orës 10:30, në udhëkryqin e rrugëve “Ukshin Hoti”-“Robert Doll” , në Prishtinë, ka ndodhur një aksident trafiku. Në këtë aksident kanë qenë të përfshira dy automjete. Bazuar në të dhënat fillestare nga vendi i ngjarjes, pesë persona kanë pësuar lendime trupore. Me rastin po merret njësiti i trafikit rrugor”, tha ajo.