Kryetari i zgjedhur i Mitrovicës, Bedri Hamza nesër pritet ta marrë edhe zyrtarisht detyrën e të parit të komunës.
Jepi zë ka mësuar se Hamza do të pritet nga kryetari në detyrë, Agim Bahtiri dhe nga drejtorët komunalë.
Me këtë rast Mitrovica tregon kulturë të larte politike, dhe jo hatër mbetje.
Hamza do të betohet nesër në seancën e Kuvendit Komunal ku do të marrë edhe zyrtarisht detyrën.
Ndryshe, Hamza e ka mposhtur Bahtirin në rundin e parë të zgjedhjeve në Mitrovicë.
Bahtiri e kishte uruar Hamzën përmes telefonit për fitoren e bindshme në këto zgjedhje.