Mbi 100 policë janë parë rrugëve të kryeqytetit gjatë mbrëmjes së sontme, shkruan “Jepi zë”.
Madje, përveç policëve që patrullonin në këmbë, rreth 6-7 vetura të Policisë janë parë të Stacionuara buzë rrugës “Agim Ramadani”.
“Jepi zë” mëson se rritja e sigurisë lidhet me vizitën e presidentit maqedonas, Stevo Pendarovski, i cili do të vizitojë nesër Kosovën.
Saktësisht, Policia ka marrë informacione se ka dyshime që dikush ka plan për t’i djegur flamujt e Maqedonisë që janë vendosur në këtë rrugë.
Në një urdhër që u është dhënë zyrtarëve policorë nga eprorët, është kërkuar një plan për të mos lejuar djegia e flamurit maqedonas.
Për këtë, veturat e Policisë janë stacionuar në shumë lokacione përgjatë një prej rrugëve kryesore të kryeqytetit.
Ndryshe, rruga “Agim Ramadani” është mbushur me flamuj të Kosovës dhe Maqedonisë që nga mëngjesi i sotëm.