Dëmtimi i banerave “Liria ka emër” në fshatin Kishnicë të Graçanicës shkaktoi reagime të shumta për arsye se ngjarja ndodhi në një komunë veriore dhe se ndodhi paralelisht me gjykimin e krerëve të UÇK-së në Gjykatën Speciale në Hagë.
Megjithatë, kjo nuk është hera e parë që një gjë e tillë ka ndodhur. Para pak javësh “Jepi zë” ka raportuar për djegien e një baneri të njëjtë në fshatin Babimost.
Orkestruesit e kampanjës “Liria ka emër”, që kryesisht janë figura të Partisë Demokratike, aktin e tillë e patën quajtur si të papranueshëm e që nxit urrejtje.
Sidoqoftë, i njëjti rast si në Babimost edhe në Kishnicë, ka shkaktuar reagime më të shumta në këtë të fundit për shkak të përbërjes demografike të fshatit dhe bindjes se motivi i aktit ka qenë ksenofobik.
