Shumica e kafiterive në sheshet e Mitrovicës kanë rritur çmimin e kafes nga 1.20 euro në 1.50 euro, duke nxitur reagime dhe pakënaqësi te qytetarët.
Një qytetar ka dërguar edhe pamje nga bregdeti shqiptar, ku çmimi i kafes rezulton rreth 120 lekë, duke nxitur krahasime dhe debate për nivelin e çmimeve.
Rritja e çmimit ka ndodhur pothuajse njëkohësisht në shumë lokale, çka ka ngritur dyshime për një koordinim të mundshëm mes pronarëve të kafiterive. Një veprim i tillë, nëse vërtetohet se është i organizuar, mund të jetë në kundërshtim me ligjin për mbrojtjen e konkurrencës, i cili ndalon marrëveshjet që dëmtojnë tregun e lirë dhe konsumatorin.
