Ish-deputetja nga Mitrovica, Valdete Idrizi, anipse nuk ishte pjesë e listës për asamble komunale nga PDK, do të bëhet pjesë e ekipit të kryetarit të ri.
“Jepi zë” përmes burimeve të veta ka kuptuar se ajo në qeversijen e re komunale do të jetë pjesë e ekzekutivit komunal.
Idrizi, besohet se do ta marrë në udhëheqje njëren nga drejtoritë, fushën dhe veprimtarinë e së cilës ajo e njeh mirë nga e kaluara.
Kryetari i ri në ardhje, Bedri Hamza, është duke i kompletuar drejtorët e drejtorive me të cilët do të udheheq në katër vitet e ardhshme.
Ndryshe, Hamza ditën e premte me datë 26.11.2021 duke filluar nga ora 10:00 do ta bëjë betimin si kryetar i Komunës së Mitrovicës.
