Banorët e fshatit Kçiq i Madh, duket se kanë humbur durimin me organet komunale dhe qendrore lidhur me shqetësimin e tyre të kahmotshëm rreth gurthyesit të vendosur mbi fshat.
Ata kanë thënë se, meqë nuk u morën parasysh dy protesta paqësore, ajo e radhës do të jetë më radikale deri në bllokim të magjistrales Mitrovicë-Prishtinë, shkruan “Jepi zë”.
Sipas njoftimi që ka lëshuar Këshilli i Fshatit, banorët kërkojnë që të merren parasysh dëmet që po sjell ky gurthyes për fshatin.
“Këshilli i fshatit pas dy protestave paqësore i bën thirrje organeve kompetente komunale dhe qendrore që të reflektojnë urgjentisht karshi kërkesave te banorëve lidhur dëmet që po i shkaktohen fshatit nga gurthyesi perndryshe në ditet ne vijim do të nuk do të zhvillohet protesta në lokacionin e njejte por do të ndermarrim masa më radikale duke u zhvendos me lokacionin e protestës deri edhe me bllokimin e magjistrales Mitrovicë Prishtinë! Por para se të ndodh kjo urojmë për reflektim të organeve kompetente në nivel lokal dhe qendror!”, thonë Këshilli.
Ndryshe, duhet theksuar se banorët e këtij fshati bllokuan të shtunën rrugën e fshatit që dërgon tek gurthyesi, mirëpo asnjë kërkesë nuk u mor parasysh.
