Sulejman Loku, miku i Muhamed Likës, rreshterit që mbeti i vrarë mbrëmë në Kaçanik, është prononcuar për “Kosova Today”.
“I shprehu ngushëllime kaçanikasëve, familjarëve, gjithashtu edhe krejt popullit shqiptar në këtë rast. Rreshteri ka qenë mik për gjithë kë, në punë, në shoqëri, gjithkund. Ka qenë i dinjitetshëm, kemi dëgjuar vetëm fjalë të mira. Mbrëmë, kur e kam marr lajmin, jemi tronditur, personalisht jam tronditur,por besoj që krejt Kosova e Kaçaniku, janë tronditur me humbjen e rreshterit”, u shpreh Loku.
Miku i të ndjerit thotë se lajmin e mësoi nga një fqinj i tij.
“Ma tregoi përmes mesazheve. Ai ka jetuar vetëm. Ai ka qenë në Njësi Speciale, në rastin Banjska, por nuk jam i sigurt nëse ka qenë në ngjarje”, u shpreh tutje ai.
Loku thotë se shumica e familjarëve të të ndjerit janë jashtë Kosovës.
“Shpresoj që të vijnë, nuk e di se si do të bëhet që të vijnë në varrim”, tha Loku.
Polici i vrarë varroset sot pas orës 17:00 në “varrezat e dëshmorëve”.