Grupi humanitar “Djemtë e Mitrovicës” me në krye biznesmenin dhe humanistin Lindrit Misinin, kanë grumbulluar 15 mijë euro brenda 20 minutash për 19 vjecaren Nazlije Sherifi e cila ka nevojë për transplant të veshkës.
Këtë gjë e kanë konfirmuar grupi për “Jepi zë”, duke thënë se mbledhja e parave ka ndodhur në kohë rekord.
Gazeta ka pyetur edhe biznesmenin Lindrit Misini për ta konfirmuar, e ai ka thënë se kjo është e vërtetë dhe ndihma u ofrua me shumë kënaqësi.
Ndërkohë, ndihma për 19 vjecaren nga Mitrovica po vazhdon, pasi ajo ka nevojë për 200 mijë euro pasi është diagnostifikuar me Glomerulosklerozë Foke Segmentale.
Familja e saj ka thënë se nuk i ka këto mjete, andaj ka kërkuar ndihmën e qytetarëve që vajza e tyre të arrijë ta kryejë me sukses këtë transplantim të veshkës.
