Një aksident trafiku ka ndodhur mëngjesin e së martës në magjistralen Mitrovicë – Prishtinë, ku janë përshirë katër automjete.
“Jepi zë” publikoi edhe video nga vendi i ngjarjes ku shiheshin auotmjetet e aksidentuara dhe Policia që kishte dalur në vendin e ngjarjes.
Zëdhënësja e Policisë për rajonin e Prishtinës, Flora Ahmeti, ka bërë të ditur se si pasojë e këtij aksidenti janë lënduar tre persona.
“Sot rreth orës 08:00 në rrugën nacionale Mitrovicë – Prishtinë saktësisht në fshatin Milloshevë ka ndodhur një aksident trafiku ku janë përfshirë 4 automjete. Si pasojë e aksidentit janë lënduar tre persona dhe janë shkaktuar dëme materiale”, ka thënë Ahmeti.
