Njësitet policore në Mitrovicë dhe Skenderaj kanë arrestuar dy persona të cilët ishin në kërkim me urdhëresa aktive të lëshuara nga gjykatat kompetente.
Sipas njoftimit të Policisë së Kosovës, arrestimet janë kryer në bazë të urdhëresave gjyqësore në fuqi. Pas përfundimit të procedurave të nevojshme policore, të dyshuarit janë proceduar për veprime të mëtejme tek autoritetet gjyqësore përkatëse.
Policia e Kosovës ka bërë të ditur se do të vazhdojë zbatimin e vendimeve gjyqësore dhe mbetet e përkushtuar në garantimin e rendit dhe sigurisë publike.
