Kryeministri Albin Kurti thuhet se ka pranuar një kërcënim dhe si masë e kujdesit forca të sigurisë janë shtuar pranë shtëpisë së tij.
Nga Zyra e Kryeministrit kanë konfirmuar vetëm se Kurti është kërcënuar duke mos treguar arsyen apo formën se si e ka pranuar kërcënimin.
Në media janë publikuar disa postime kërcënuese në grupe të ndryshme në rrjetin social “Facebook”.
“50 mijë euro kush e vret Albin Kurtin”, shkruhej në postimin e fundit që u bë publik, e i cili ishte bërë nga një qytetar serb.
Në një postim tjetër që u publikua shihej se një person ka shkruar në grupin “Shes blej gjithçka”, se “ishte në gjendje t’i ofronte 35 mijë euro” për “kokën” e kryeministrit të Kosovës, Albin Kurti.
Postimi është fshirë nga platforma, pasi është vënë në pah nga organet e sigurisë.