Policia e Kosovës ka zhvilluar sot një aksion në veri të vendit, në lidhje me dyshimet për kërcënime nga Qendra për Punë Sociale, që funksion si strukturë paralele/ilegale, ndaj disa qytetarëve një ditë para zgjedhjeve të 9 shkurtit. Tri qendra të tilla tashmë janë mbyllur.
Reporteri.net ka siguruar pamje ku shihen zyrtarët e Policisë së Kosovës duke larguar tabelat e flamujt e Serbisë që ishin të vendosur në hyrje të objektit.
“Ne fakt këta zyrtarë të qendrës për pune sociale e cila ishte një strukturë paralele/ilegale dyshohej se kanë thirr qytetarë të ndryshëm në telefon dhe nën formën e kërcënimit i kanë detyruar apo udhëzuar se si të votojnë duke i kushtëzuar ndihmat sociale me votën e tyre ne favor të një partie te caktuar politike e cila ishte në garë për zgjedhjet parlamentare në Kosove. Lidhur me punën tonë hetimore ne e kemi njoftuar Prokurorinë Themelore në Mitrovicë nga të cilët kemi kërkuar që të na lejohet kontrolli i këtyre qendrave me qellim te zbulimit të provave me të cilat do të vërtetohet saktë mënyra e veprimit te këtij aktiviteti të kundërligjshëm e që cilësohet si falsifikim i dokumenteve”, ka thënë Elshani.
Ai ka bërë me dije se kontrolli po vazhdon.
“Prokuroria Themelore në Mitrovicë e ka aprovuar kërkesën tone dhe e ka dërguar mandej kërkesën e vet për urdhër te kontrollit ne Gjykate gjë te cilën edhe e ka marr dhe tani jemi në kontroll te këtyre qendrave me urdhër te Gjykatës. Pas kontrollit të këtyre vendeve ne do te njoftojmë prokurorinë me te gjeturat e cila mandej do te vendos për hapat e mëtejmë”, ka deklaruar Elshani.