40 familje nga Mitrovica u bënë me shtëpi në fund të muajit gusht të këtij viti.
Kjo u arrit falë projektit që u realizua nga humanisti Halil Kastrati në bashkëpunim me Komunën e Mitrovicës.
“Jepi zë” kishte raportuar ekskluzivisht në ditën kur u dorëzuan çelësat për këto familje.
Por edhe dy muaj më vonë, prej kur këto familje i gëzuan shtëpitë e tyre në lagjen Frashër, ende nuk është rregulluar rryma në këto shtëpi.
Një nga përfituesit e këtyre shtëpive ka thënë për “Jepi zë” se që dy muaj janë pa rrymë.
Sipas tyre, disa herë kanë bërë kërkesë në Komunë të Mitrovicës dhe në KEDS për instalim të rrymës por kjo kërkesë nuk është marrë parasysh ende.