Foto ilustrim
Policia në veri të vendit në koordinim me Prokurorin e Shtetit ka nisur hetimet për vdekjen e dyshimtë në fshatin Veli Breg të Zubin Potokut, ku një person u gjet pa shenja jete gjatë ditës së djeshme.
Rrethanat dhe shkaku akoma nuk dihen, ndërsa tashmë është zbuluar identiteti i viktimës.
Siç merr vesh Sinjali, personi që u gjet i vdekur është Desimir Avramovic, rreth 58-vjeçar.
Vdekjen e tij e ka konstatuar ekipi mjekësor nga Qendra e Mjekësisë Familjare në Zubin Potok, pasi kanë intervenuar në vendin e ngjarjes bashkë me njësitë policore.
I ndjeri u gjet i shtrirë në dhomën e një shtëpie banimi dhe trupi është tërhequr për t’u dërguar në Institutin e Mjekësisë Ligjore për obduksion.
Me urdhër të Prokurorit të Shtetit, rasti është iniciuar si “Vdekje e dyshimtë”.