Ushtarët turq të caktuar në Komandën Rajonale Lindje të misionit të udhëhequr nga NATO, KFOR, kanë kryer patrullime të montuara dhe të çmontuara në disa komuna të Kosovës.
Këto aktivitete zhvillohen gjatë ditës dhe natës si pjesë e misionit të përditshëm të KFOR-it për të mbështetur qytetarët dhe komunitetet në Kosovë.
“KFOR vazhdon ta zbatojë mandatin e tij – të bazuar në Rezolutën 1244 të Këshillit të Sigurimit të OKB-së nga viti 1999 – për të kontribuar në një ambient të sigurt dhe të qetë për të gjithë qytetarët e Kosovës dhe për të garantuar lirinë e lëvizjes, në çdo kohë dhe në mënyrë të paanshme. KFOR bashkëpunon ngushtë me Policinë e Kosovës dhe Misionin e BE-së për Sundimin e Ligjit në Kosovë (EULEX), në rolet e tyre përkatëse si përgjigjës të sigurisë.”, thuhet në njoftim.