Më 9 shkurt, ku Lëvizja Vetëvendosje doli fituese, por pa shumicë të mjaftueshme për të formuar institucionet e reja. Edhe pse kanë kaluar më shumë se dy javë nga seanca e parë, Kuvendi ende nuk është konstituuar, ndërsa sot pritet tentativa e nëntë për ta bërë këtë.
Kuvendi i Kosovës, dje ka lëshuar njoftim për vazhdimin e seancës konstituive që do të mbahet sot nga ora 10:00.
Pas miratimit të raportit të komisionit për verifikimin e kuorumit dhe mandateve, procesi i konstituimit ka ngecur te zgjedhja e kryetarit të Kuvendit. Vetëvendosje ka propozuar disa herë Albulena Haxhiun për këtë post, mirëpo ajo s’ka arritur t’i marrë 61 votat e nevojshme për t’u zgjedhur. Deri më tani, numri më i lartë i votave për Haxhiun ka qenë 57.
Gjatë tërë kësaj kohe, partitë opozitare kanë kërkuar nga VV ta ndërrojë kandidaten, duke thënë se Haxhiu është figurë përçarëse. Përderisa PDK dhe AAK janë shprehur hapur kundër kandidaturës së saj, LDK-ja ka bërë të ditur se nuk do ta përkrahë asnjë kandidat të VV-së.