Universiteti i Mitrovicës tashmë është i njohur për kurdisje të konkurseve
Së fundmi ky institucion ka shpallur disa vende të lira të punës: Zyrtar i Lartë i Prokurimit, Zyrtar Ligjor dhe Zyrtar për Shërbime Studentore
Ndërsa numri i atyre që kanë aplikuar është i madh, por vetëm disa i kanë plotësuar kushtet sipas konkursit, shkruan Jepi zë.
Në adresë të “Jepi zë” kanë ardhur dyshime për kurdisje, madje për disa përmenden emrat e atyre që priten të pranohen.
Sërish emrat e atyre që pretendohen se do të pranohen lidhen me njerëz brenda Universitetit si ish rektor dhe perfaqësues studentor pastaj edhe këshilltar.
Nurtene Deva zyrtarisht mban postin e rekores së Universitetit të Mitrovicës, por vazhdimisht thuhet se ajo është nën ndikimin e ish-rektorit Alush Musaj, i cili dyshohet se ia ka siguruar këtë pozitë përmes Këshillit Drejtues, të cilin ai e kontrollonte.
Për të dëshmuar ndikimin e tij, si shembull përmendet konkursi i fundit, ku sipas burimeve të “Jepi Zë”, shoferi i punësuar nga Musaj pritet të avancohet në një pozitë të re. Megjithatë, sipas këtyre burimeve, nuk është e qartë nëse kandidati i përmendur i plotëson kushtet për zyrtar për prokurimi.
“Jepi Zë” do ta ndjekë këtë konkurs deri në fund për të parë nëse do të rezultojë i njëjtë me konkurset e mëparshme dhe nëse ndikimi i Alush Musajt mbi rektoren Deva është real.