Një femër nga Skenderaj është dërguar për trajtim mjekësor fillimisht në Spitalin Rajonal të Mitrovicës dhe më pas në Qendrën Klinike Universitare të Kosovës në Prishtinë.
Më vonë nga QKUK është raportuar se ka ndërruar jetë.
“Jepi zë” merr vesh se vajza është e moshës 15 vjeçare dhe dyshohet se është hedhur nga lartësia e një ndërtese.
Informacionin e ka konfirmuar për “Jepi zë” edhe zëdhënësi i Policisë për Rajonin e Mitrovicës , Avni Zahiti.
“Skenderaj 27.04.2025, 17:30. Lidhur me rastin viktima femër kosovare është dërguar për tretman mjekësor në Spitalin Rajonal Mitrovicë dhe më pas ka vazhduar në QKUK Prishtinë ku dhe është raportuar se viktima ka ndërruar jetë. Me vendim të prokurorit trupi i pajetë është dërguar për obduksion’, ka thënë Zahiti për Jepi zë.