Gazetari Lirim Mehmetaj ka rikthyer një pjesë të intervistës së deputetit të VV-së, Albin Kurti, te Baton Haxhiu, ku ai kritikonte në atë kohë koalicionin fitues të zgjedhjeve për insistimin në vetëm një emër për kryetar të Kuvendit.
Në postimin e tij, Mehmetaj i referohet deklaratave të mëhershme të Kurtit, ku ai dikur kundërshtonte idenë që një pozitë kaq e rëndësishme si ajo e kryetarit të Kuvendit të lidhej domosdoshmërisht me një emër të vetëm.
“Pse do të duhej që kryetari i Kuvendit të ishte ose ai, ose askush tjetër?”, deklaronte Kurti në atë kohë, ndërkohë që aktualisht po vepron me të njëjtën logjikë, duke insistuar vetëm në Albulena Haxhiun për kryetare të Kuvendit.