Një person ka raportuar se në një lokal është sulmuar fizikisht nga një zyrtar policor (jashtë detyrës zyrtare), i cili pastaj është larguar nga vendi i ngjarjes.
Në raportin 24 orësh të Policisë së Kosovës bëhet e ditur se ngjarja ka ndodhur të dielën rreth orës 18:00, në Mitrovicë.
Po ashtu në raport bëhet e ditur se njësitet policore kanë dalë në vendin e ngjarjes dhe bazuar në video incizime shihet se ankuesi kishte një mjet të mprehtë (thikë) me të cilën dyshohet se ishte duke e kanosur zyrtarin.
“Ankuesi mashkull kosovar ka raportuar se në një lokal është sulmuar fizikisht nga një zyrtar policor i PK-së (jashtë detyrës zyrtare), i cili pastaj është larguar nga vendi i ngjarjes. Njësitet policore kanë dalë në vendin e ngjarjes dhe bazuar në video incizime shihet se ankuesi kishte një mjet të mprehtë-thikë me të cilën dyshohet se ishte duke e kanosur zyrtarin”, thuhet në raport.