Rastet kur po kryhen shërbime në biznese të ndryshme me para të falsifikuara janë rritur. Qindra e mijëra euro para që dyshohet të jenë të falsifikuara po vazhdojnë të vihen përditë në qarkullim, në tregun e Kosovës.
Kështu ka ndodhur së fundmi edhe në kompaninë e derivateve “Ada Gas” në Gjilan, ku një klient e ka mbushur veturën me naftë dhe ka bërë pagesën me një kartëmonedhë prej 500 euro, që dyshohet të jetë e falsifikuar.
Sinjali mëson se i dyshuari e ka kryer pagesën me 500shen false, ndërsa kusurin rreth 450 euro e ka marrë me kartëmonedha origjinale.
Lidhur me rastin është njoftuar Policia e Kosovës dhe janë marrë veprimet hetimore që ndihmojnë në kapjen e të dyshuarit, teksa kartëmonedha është sekuestruar në cilësinë e provës materiale.
Me urdhër të Prokurorit të Shtetit, rasti është cilësuar ‘Falsifikim i parasë’, ndërsa veprimet tjera ligjore do merren varësisht nga zhvillimi i hetimeve.