Një grabitje ka ndodhur mëngjesin e sotëm në një pompë derivatesh në Shupkovc të Mitrovicës.
“Jepi zë” merr vesh se grabitja u krye në HIB Petrol.
Policia ka konfirmuar se mëngjesin e sotëm, më 17 janar 2025, rreth orës 04:15, ka ndodhur grabitja.
Sipas zëdhënësit të Policisë, Avni Zahiti, bazuar në informatat dhe hetimet fillestare, dyshohet se dy persona të maskuar, nën kërcënimin e armës, kanë grabitur një shumë të parave dhe më pas janë larguar në drejtim të panjohur.
Njësitet përkatëse policore po vazhdojnë hetimet për të identifikuar personat e dyshuar dhe për të mbledhur provat e nevojshme në lidhje me këtë rast.