Ferit Idrizi do të garojë sërish për postin e kryetarit të Komunës së Vushtrrisë në zgjedhjet e ardhshme lokale.
Vendimi për rikandidimin e tij është marrë pas mbështetjes unanime që ai ka marrë nga strukturat e Partisë Demokratike të Kosovës në këtë komunë, shkruan “Jepi zë”.
Pas përfundimit të diskutimeve brenda degës lokale të PDK-së, të gjitha organet partiake, përfshirë kryesinë, këshillin drejtues dhe nëndegët, kanë dhënë dritën e gjelbër për vazhdimin e angazhimit të Idrizit edhe për katër vitet e ardhshme.
Ferit Idrizi, i cili udhëheq komunën që nga viti 2021, synon të vazhdojë projektet e nisura dhe të realizojë objektivat e reja zhvillimore për Vushtrrinë.