Spitali i Mitrovicës “Dr. Sami Haxhibeqiri” ka mbetur pa menaxhment.
Kjo sepse raportohet të kenë japur dorëheqje komplet menaxhmenti, shkruan Jepi zë.
“Jepi zë” mëson jo zyrtarisht se nga detyra kanë dhënë dorëheqje Drejtori Ekzekutiv, Drejtori Mjekësor, Drejtori i Administratës dhe Drejtori i Infermierisë.
“Jepi zë” ka kontaktuar zyrën e informimit të Spitalit. Zyrtarja nisi bisedën normalisht, po kur u prezantua gazetarja e “Jepi zë”, bëri kinse nuk po dëgjonte më dhe e ndali telefonin.
“Jepi zë” provoi të kontaktonte edhe me drejtorët në fjalë, por asnjë nga ta nuk pranoi të ipte informacion.