Një person në Prishtinë ka vdekur dje në rrethana tragjike.
Siç bën të ditur Policia e Kosovës, është raportuar se viktima mashkull kosovar derisa ka qenë duke punuar në një ndërtesë në ndërtim, ka pësuar lëndime trupore .
I njëjti pasi është dërguar në QKUK, mjeku kujdestar ka konstatuar vdekjen e viktimës.
Në lidhje me rastin janë intervistuar pesë dëshmitarë.
Me vendim të prokurorit është arrestuar menaxheri i objektit i dyshuari mashkull kosovar i cili është dërguar në mbajtje, ndërsa trupi i pajetë i viktimës është dërguar në IML për obduksion.