Rruga e Kovaçëve ishte shndërruar në një rrugë tmerri për shoferët, pasi ishin krijuar shumë gropa të mëdha.
Mirëpo, sot në mëngjes janë mbyllur gropat që ishin krijuar gjatë vitit të kaluar, shkruan “Jepi zë”.
Gazeta ka siguruar pamje nga momenti i asfaltimit të kësaj rruge, ndërkohë që do të mbulohen edhe gropat e tjera.
Kujtojmë se në disa lokacione në qendër të qytetit, ishin krijuar gropa shumë të mëdha, për të cilat qytetarët kanë raportuar shumë herë në “Jepi zë”.
Vonesa për rregullimin e këtyre rrugëve, lidhej me skadimin e kontratës për mirëmbajtje të rrugëve.