Deputeti i VV-së, Haxhi Avdyli, ka komentuar zhvillimet në kuadër të zgjedhjeve që po mbahen sot në Shqipëri, duke theksuar ndarjen mes dy vizioneve politike.
Sipas tij, gara është mes atyre që ndërtuan Rrugën e Kombit dhe atyre që më vonë vendosën traun dhe taksat për çdo kalimtar të saj. Ai thekson se përballë janë edhe ata që dikur hapën kufijtë mes Kosovës dhe Shqipërisë, dhe ata që nuk e përtypën dot nismën e Ballkanit të Hapur.
Avdyli u shpreh optimist se përveç atyre që në të kaluarën punuan për bashkimin kombëtar, në këto zgjedhje do të lindin edhe alternativa të reja politike – figura të reja me vizione të freskëta për Shqipërinë dhe kombin shqiptar. Ai përfundoi mesazhin e tij me bindjen se Shqipëria përparon kur bashkohen patriotët e vërtetë që Kosovën e shohin si vëlla, e jo përmes syzeve të autokracisë së Aleksandrit.