Politikani serb Aleksandër Arsenijeviq, deklaroi sot se është gati të merret në pyetje nga Prokuroria ose Policia e Kosovës, në praninë e avokatit të tij në formën online.
Ai shtoi, përcjell Demos, se ministri Sveçla, me deklaratën e tij, po i shton më shumë benzinë zjarrit.
Ministri Xhelal Sveçla deklaroi ditë më parë se Arsenijeviq duhet të dorëzohet e të përgjigjet para ligjit.
Ndryshe, Policia e Kosovës është në kërkim të tij, nën dyshimin për armatimin e gjetur në pronën e tij në Zveçan.