Policia e Kosovës, në bazë të kërkesës së Komunës së Mitrovicës së Veriut, sot ka hyrë në objektin ku ndodheshin tri institucionet serbe – Instituti për Sport, Rini dhe Shërbime të Specializuara, Shoqata Sportive dhe Shoqëria Kulturore Artistike “Kosova Bozhur”.
Zëvendëskomandanti i Policisë së Kosovës për rajonin e Veriut, Veton Elshani, ka thënë për Kontakt Plus se policia ka vepruar sipas kërkesës së komunës, e cila këtë objekt e konsideron pronë të saj.
“Zyrtarët komunalë na kërkuan që t’i ndihmojmë që të hyjnë në pronën e tyre. Ata kanë hyrë. Pastaj punëtorët e atyre institucioneve kanë dalë nga lokalet. Nuk ka pasur asnjë problem”, tha Elshani për Kontkat plus.