Deputetët Agim Bahtiri nga LVV dhe Armend Zemaj nga LDK kanë pasur një debat të shkurtër jashtë objektit të Kuvendit, pas dështimit të dytë për konstituimin e Kuvendit të Kosovës.
“Ne jena ardhë me votue. Ju pse jeni ardhë? Është e turpshme. Jeni ardhë, duhet me votue,” i është drejtuar Bahtiri me zë të lartë deputetit Zemaj.
Nga ana tjetër, deputeti Zemaj i është përgjigjur Bahtirit duke thënë se ata duhet të lëshojnë radhën, pasi nuk janë të aftë të zgjedhin një kryetar të Kuvendit, edhe pse kanë fituar 48 vota në zgjedhje.
“Mësojeni demokracinë,” ka thënë Zemaj duke e sfiduar Bahtirin.