Spitali “Sheikh Zayed” ka njoftuar se nga data 22 prill 2026 ka zgjeruar stafin profesional me dy specialistë të rinj, duke rritur kështu kapacitetet për trajtimin e pacientëve.
Sipas njoftimit zyrtar, bëhet fjalë për një mjek ortoped dhe një mjek pediatër, të cilët tashmë kanë nisur punën dhe janë në dispozicion të qytetarëve që kanë nevojë për shërbime në këto fusha.
Ky hap pritet të ndikojë drejtpërdrejt në përmirësimin e kujdesit shëndetësor për pacientët në Vushtrri dhe më gjerë, duke ofruar qasje më të shpejtë dhe më cilësore në trajtim.
Nga spitali është theksuar se mbeten të përkushtuar që të jenë gjithmonë pranë qytetarëve, duke avancuar vazhdimisht shërbimet shëndetësore.
