Një shpërthim ka ndodhur në oborrin e minierës Trepça në Stan Tërg, ku sipas burimeve të Jepi Zë, një cisternë që transportonte hirin nga KEK-u për hidrombushje është shpërthyer, duke shkaktuar një pluhur të madh në zonë.
Ky hir, i cili përzihet me një material tjetër, përdoret për mbushjen e punisheteve që shfrytëzohen në minierë. Kjo procedurë ka për qëllim krijimin e stabilitetit për të parandaluar shembjet brenda hapësirave të punës ku nxjerret minerali.
Sipas informacioneve, nga ky shperthim nuk ka të lënduar.
Autoritetet dhe menaxhmenti i minierës ende nuk kanë dhënë detaje shtesë rreth shkakut të shpërthimit apo ndonjë dëmi të mundshëm material.