Ish deputeti Sejdi Hoxha ka ngritur pyetjen nëse ekziston ndonjë dallim mes urrejtjes që shfaq zëvendëskryeministrja Donika Gervalla Schwarz dhe asaj që më herët ka shprehur ish-kryeministrja serbe Ana Brnabiç ndaj Ushtrisë Çlirimtare të Kosovës dhe krerëve të saj që ndodhen në Hagë.
Sipas tij, përdoret pothuajse e njëjta gjuhë, e njëjta logjikë dhe e njëjta propagandë.
“Zonja Schwarz, ata që janë në Hagë nuk janë aty për kalkulime politike,” është shprehur Hoxha, duke theksuar se të akuzuarit ndodhen atje për shkak të betejës për liri — një luftë që ai e cilëson të drejtë dhe të pastër, e cila, sipas tij, nuk njolloset nga akuzat, por ndriçon nga e vërteta historike.
Ai ka apeluar që figura të tilla të mos përdoren për qëllime politike, duke e cilësuar një veprim të tillë si të turpshëm.
“Të akuzuarit do të kthehen ballëhapur e faqebardhë. Por ti, ku do të mbetesh? Si do të ndihesh kur historia të flasë me zë të qartë?”, ka përfunduar Hoxha