“Isa, Hasha – Esat Pasha”.
Akuzat dhe barazvlerimi me tradhti kombëtare që Vetëvendosja ua ngjyronte anegjerë Kosovës nëpër qindra mure nuk i ka fshirë asnjë simpatizant i PDK-së e as LDK-së.
Disa prej atyre germave mund t’i ketë venitur koha, oksidimi, ndotja e mbase edhe cilësia e paqëndrueshme e sprejit të përdorur: por, njeriu politik jo.
“Këtu banon një hajn, Hashim Thaçi”.
Vetëvendosja e ka një jetë të tërë që ka i ka bërë terr-e-zi muret me terr-e-zi mesazhe për kundërshtar politikë: edhe origjinarisht kishin nisur saktësisht me pips-në-dorë.
Sot kur tryezat janë rrotlluar, Vetëvendosja në pushtet – grafitet del t’i jenë bërë halë në sy.
Pse? T’i hymë nga fillimi i tregimit…
Ndonëse veten e shpalli fitimtar të zgjedhjeve – megjithëse sipas premisave dhe standardeve të veta, përkthehet në humbës – Albin Kurti, doli sheshit të Prishtinës duke i denigruar partitë opozitare, e argumentativisht edhe elektoratet e tyre, në terma shtazor si “hajvanë” dhe “hajvanat” koha e të cilëve “ka shkuar”.
Përtej kundërshtarisë politike, fjalori i Kurtit u dënua gjerësisht për mosrespekt të thellë popullor – së paku të më shumë se gjysmës së elektoratit shqiptar që s’e ka votuar në zgjedhje.
Andin Lokaj, komentatori i madh i sportit, ia reciprokoi “hajvanësinë” gjatë komentimit të një ndeshjeje futbolli: ngjarje kjo që u bë senzacion publik.
Fjalët e Andin Hoti, u gdhendën edhe në mure.
“Kryeministër Hajvan”.
Kjo u mor si një revoltë publike dhe shpagim simbas monedhës së njëjtë për Albin Kurtin: dhe, për shumëkënd, edhe një indinjatë publike ndaj Kurtit.
Në një objekt para QKUK-së, megjithatë, aktivistë të Vetëvendosjes nxituan ta ngjyejnë me zi duke fshir mesazhin.
Kjo pasi veçse kishte depërtuar në masë dhe rrjetet sociale u mbushën me mesazhin “Kryeministër Hajvan”.
Dy aktivistë të VV-së të qendrës së Prishtinës, u panë ta shlyenin.
Por, kjo u shkrepi mbrapsht.
Me ç’duket shlyerja i dha peshë edhe më të madhe grafitit, ku, autorët e saj (ose të tjetër) e shumëzuan edhe në hapësira tjera.
Gazetari Lirim Mehmetaj, shkroi në profilin e tij: “Kot e keni. S’e shlyeni dot nga mendjet e njerzve”. /Nacionale