Dy persona janë arrestuar në Mitrovicë, pasi që dyshohet se njëri nga ta në pozitën e instruktorit të vozitjes ka pranuar 600 euro para dhe dy telefona, me kusht që ta kalonte nga testi me shkrim për kategorinë B të vozitjes.
Paratë dhe telefonat janë sekuestruar ndërkaq dy të dyshuarit pas intervistimit janë dërguar në mbajtje, shkruan lajmi.net,
“Mitrovicë / 15.01.2025. Janë arrestuar dy të dyshuar meshkuj kosovar për shkak të dyshimit se njëri prej tyre në cilësi të instruktorit të vozitjes në një autoshkollë private ka pranuar nga i dyshuari tjetër para me qëllim të lehtësimit të procedurës për kalimin e testit me shkrim për kategorinë B të vozitjes. Në cilësi të provave materiale janë sekuestruar 600€ (6X100) para të gatshme dhe dy telefona celularë. Me urdhër të prokurorit të dyshuarit pas intervistimit janë dërguar në mbajtje”, thuhet në raportin 24 orësh të Policisë së Kosovës.