Vetëm 33 vota kanë bërë dallimin në mes të VV-së dhe PDK-së, në garën për vendin e dytë në Komunën e Mitrovicës Veriore.
KQZ-ja ka shpallur rezultatin përfundimtar ku konfirmohet kandidati i Listës Serbe si kryetar i ri me 89.5% të votave apo 7916 vota, shkruan “Jepi zë”.
Mirëpo, gara e vërtetë ishte për vendin e dytë. Për atë luftonin PDK-ja e VV-ja, e ku fituese doli kjo e dyta me 4% duke lënë prapa PDK-në me 3.06%.
Sipas rezultateve, Erden Atiq mori 351 vota, ndërkaq Florent Azemi i PDK-së mori 318 vota.
Kjo shënon edhe një fitore të VV-së pasi, përveç Podujevës, ajo përmbysi rezultatin edhe në veri.