Trendi i parave të falsifikuara po vazhdon të ‘lulëzojë’ në Kosovë, ku qindra e mijëra euro fals vihen përditë në treg. Rastet e tilla raportohen kryesisht nga zyrtarët e bankave në vend, teksa kartëmonedha e cila raportohet më së shumti si e falsifikuar janë ato prej 50 dhe 100 euro.
Një rast është denoncuar në Mitrovicë, ku zyrtari i bankës ‘Pro Credit’ ka hasur në disa kartëmonedha e monedha metalike të cilat gjithsej kapin vlerën e mbi 300 eurove e që dyshohet të jenë të falsifikuara.
Me urdhër të prokurorit, kanë nisur hetimet nën dyshimet për kryerjen e veprës penale ‘Falsifikim i parasë’.