Numri i rasteve të dhunës në familje në vendin tonë ka marrë përmasa shqetësuese. Çdo ditë raportohen raste ku viktima zakonisht janë gratë dhe vajzat që përjetojnë dhunë psikike e fizike kryesisht nga bashkëshortët e tyre. Kështu ndodhi së fundmi në Vushtrri, ku Policia arrestoi një person.
Gruaja që përjetoi dhunë nga burri, i cili edhe e kërcënoi me vrasje – kërkoi ndihmën e Policisë, ku rrëfeu krejt çka kishte ndodhur në shtëpinë e tyre.
Sinjali mëson se si rezultat i denoncimit, i dyshuari është arrestuar dhe shoqëruar në stacion policor, ndërsa brenda afatit ligjor, u kërkua masa e paraburgimit.
Burri i dyshuar për dhunë në familje doli dje para gjykatës, ku edhe u mor vendimi ndaj tij.
Gjykata Themelore në Mitrovicë, dega në Vushtrri e ka aprovuar kërkesën e Prokurorisë dhe ia ka caktuar të dyshuarit një muaj paraburgim.
Ndryshe, rasti u denoncua më 19 gusht dhe viktima tashmë është pajisur me urdhër mbrojtës.