Më 12 shkurt, 42-vjeçari, Ismet Ibishi u vra në një lokal në Skenderaj.
Sipas familjarëve të viktimës, agresorët janë babë e bir, Hiseni dhe Bujar Ibishi, familjarë të të ndjerit.
Ata janë arrestuar nga Policia e Kosovës dhe tashmë janë në paraburgim.
Siç duket, kjo nuk është hera e parë që Bujari ka probleme me drejtësinë.
Sipas raportimeve në mediat britanike, ai ka qenë i njohur për organet e rendit atje.
Në një artikull të “Bracknell News” shkruhet se ai më 14 korrik të vitit 2018 ishte arrestuar në Maidenhead.
Pas arrestimit, sipas këtij mediumi, ai është dënuar me dy vite burgim dhe me një gjobë prej 1,000 paundësh.
Vepra për të cilën ai u dënua ishte “shkaktimi i lëndimeve të rënda trupore”; konkretisht, Ibishi kishte sulmuar fizikisht një burrë, duke i shkaktuar fraktura në fytyrë.