Policia e Kosovës në rajonin e Mitrovicës ka zhvilluar sot një aksion për zbatimin e masave anti COVID-19.
Aksioni rezultoi me shpërndarjen e 93 gjobave për shkelësit e masave anti-COVID, shkruan “Jepi zë”.
Policia thotë se aksioni u realizua që nga ora 07 e mëngjesit deri në orën policore.
“Njësitet policore në kuadër të Drejtorisë Rajonale, Mitrovicë-Jug, gjatë ditës së sotme kanë vijuar me zbatimin e masave kundër -Covid 19. Sot në intervalin kohor 07:00–19:00, policia ka shqiptuar 93 gjoba. Të gjitha këto në përputhje me vendimet e institucioneve shtetërore për parandalim të përhapjes së pandemisë”, ka thënë Avni Zahiti.
Duhet theksuar se Stacioni Jugu ka realizuar aksion edhe para disa ditësh, ku u dënuan dhjetëra qytetarë që shkelën orën policore.
