Raportimi i “Jepi zë” për protestën e punëtorëve të pastrimit UNITET-i është konfirmuar edhe nga vetë kompania.
Përmes një njoftimi, kompania ka lënë fajtor Komunën e Mitrovicës dhe Vushtrrisë, për mos pagesën që u takon atyre.
Njoftimi i plotë nga kompania:
Ju kërkojmë ndjesë qytetarëve për vonesën e sotme në fillimin e kryerjes së shërbimit në Mitrovicë dhe Vushtrri.
Kjo ka ardhur pasi që punëtorët kanë hezituar të dalin në punë me paralajmërimin për ta ndërprerë punën plotësisht në ditët vijuese, pasi që akoma nuk i kanë marrë pagat e muajit janar.
Deri te vonesa disa ditëshe në ekzekutimin e pagave ka ardhur, pasi që komuna e Mitrovicës dhe Vushtrrisë nuk i kanë kryer akoma obligimet financiare mujore ndaj KRM “Uniteti”.
Sa për infomimin, komunat e inkasojnë taksën e mbeturinave prej qytetarëve, ndërsa në fillim të çdo muaji e paguajnë KRM “Unitetin” për shërbimin e kryer ndaj të gjitha ekonomive familjare.
Lusim komunat respektive, që të marrin gjitha veprimet e nevojshme administrative që t’i paguajnë borgjet ndaj KRM “Uniteti”.