Disa ditë më parë në malin e Mokra Gorës, në komunën Zubin Potokut janë bërë disa mbishkrime të Ushtrisë Çlirimtare e Kosovës.
Këto mbishkrime sipas mediave serbe u bënë në shtegun e alpinizmit Via Ferrata-Berim, për t’u postuar më pas në rrjetin social Instagram. Më konkretisht fotot u publikuan në profilin e Ideal Bekajt, shkruan Tanjugu serb.
Menjëherë pas kësaj ka reaguar Lista Serbe e cila veprimet e tilla i ka konsideruar si provokim.
“Siç kemi paralajmëruar vazhdimisht, ndërsa i afrohemi ditës së zgjedhjeve, përveç heqjes së të drejtës së votës për serbët nga Komisioni Qendror i Zgjedhjeve në Prishtinë, presioni ndaj qytetarëve po vjen nga qarqet ekstremiste”, thuhet ndër të tjera në deklaratën e Listës Serbe.
Lista Serbe madje shkon edhe më tej duke ftuar fton KFOR-in, EULEX-in dhe policinë e Kosovës që të reagojnë.
