Shiu i madh që ka rënë ditët e fundit, po shkakton dëme të vazhdueshme në qytetin e Mitrovicës.
Pas përmbytjeve në pjesë të caktuara, shiu ka bërë që të rrëshqet dhe nga Bairi dhe të bllokojë një rrugë, shkruan “Jepi zë”.
Qytetarë të zonës i kanë thënë gazetës se nga dheu është bllokuar totalisht rruga e Frashërit pasi ka rrëshqitur sasi e madhe e dheut.
Ndërkohë, në vend të ngjarjes kanë dalë eskavatorët dhe kamionet për ta hapur rrugën.
Duhet theksuar se probleme të mëdha janë krijuar me rritjen e nivelit në lumin Lushta, e cila po rrezikon banorët afër.