Pas anulimit të pesë operacioneve në Spitalin e Mitrovicës për shkak të mungesës së infuzioneve dhe disa skandaleve në të kaluarën, drejtoresha e këtij institucioni, Laura Nushi, është shkarkuar nga posti.
Sipas burimeve nga spitali, programi operativ për dje ishte anuluar, pasi repartet kanë në dispozicion vetëm sasi të kufizuara të tretjeve fiziologjike, të cilat po përdoren vetëm për rastet urgjente.
Ky skandal ka nxitur reagime të shumta, duke ngritur shqetësime për menaxhimin e furnizimeve në institucionet shëndetësore.
Në lidhje me këtë situatë, ende nuk ka ndonjë deklaratë zyrtare nga autoritetet shëndetësore.