Shifrat e larta të rasteve pozitive me COVID-19 që janë regjistruar ditëve të fundit në Kosovë pritet të shtyejnë institucionet në ndryshimin e masave.
Faik Hoti, nga Ministria e Shëndetësisë thotë se rritja e numrit të rasteve të infektimit favorizon shtrëngimin e masave.
“Me gjasë takimi i Komitetit për Vlerësim dhe Koordinim do të mbahet ditën e nesërme në ndërtesën e qeverisë. Ky është një mekanizëm që përfaqëson institucionet të ndryshe të qeverisë’, tha Hoti.
Në takimin që pritet të mbahet nesër, mësohet se do të vendoset për masat e reja, shkruan “Jepi zë”.
Sipas këtyre masave,pritet që gastronimia të punojë deri në orën 21:00, ora policore pritet të fillojë nga ora 22:00 si dhe personat që hyjnë në Kosovë duhet të kenë tri doza të vaksinës.
Ndryshe, Ministria e Shëndetësisë ka njoftuar se gjatë 24 orëve të fundit janë regjistruar 2050 raste pozitive me COVID-19.
